من تكون؟؟؟

حبيبتى بتحب المطر

وبتحبنى مع المطر
ساعة لما البرد يلف رجليها
وتجري في عروقها رعشة قوية تخليها تنكمش وتحضن ايدي
بحبها لما ترفع كتفها أما البرد يشد توبها

حبيبتى دايما بتحلم بالتلج
نازل من السما زي حفله ميلاد
وتلج نايم على الارض ما يصحهوش غير اغنية كعب رجليها
بحب طله وشها ما بين الحجاب اللى حاضنه زي عباد الشمس

حبيبتى ما بتحبش المظلات ولا الحجاب
وبتعشق دق المطر على شعرها
وتحب ايدي المبلوله بدفا الشمس على خدها

حبيبتى تلاقيها في كل محل هدايا
فوق صندوق الموسيقى
فستان ابيض وكعب طويل
باليرينا من حوريات بحيره البجع بتدور
بتدور وايديها حاضنة الف نسمه هوا
حبيبتى بتخاف من الخيل والفرسان
ومبتحبش بودابار زي كل الرجال

حبيبتى وهى نايمه بتتلخبط كل الامانى
حبيبتى وهى نايمة لحن ناي ملهوش نهايه
حبيبتى حبة بنبون تتمنى تفتحها

حبيبتى المخده بتعشقها ,وتفضل راسمة ضلها
وتحن لخدها لم تصحي
حبييتى الهدوم بتعشقها
وتغيظ كراسي البيت لقربها منها
فازاي اشرف بيكرها
وهدي بتبعد عنها

حبيبتى بنت عاديه
يمكن زي طعم الميه
في الشرق حلم, سراب, او حتى امنيه
وفي الشق التانى نيل بيجري
بيحيي صحاري واوديه
* * * * * * * * * Click here to make Falling Objects * * * * * * * * * * * * * * *
size:130%;">ضع اجابتك في تعليق يمكن تفوز بهدية فورية ورمضان كريم