شهادة احد مرتادي القطار ردا على "في شب وفي صبية ....... حكاية تتكرر كثيرا"
http://smsmamosaic.blogspot.com/
والقطر ماشي بيلف بلاد وفصول وجبال
وروحت وجيت
وكتير عديت
بنموت ونعيش في المره الف مره
ولسه في كل قطر بشوف
ولساكي في المحطة بنت بنوت
شايفه الدنيا محطة وقطر
وبنات على الرصيف واقفه على اول السطر
وركاب ماشيين لافين الهم جبال داخلين القطر
وتدق الساعه"على كل الرجال حمل الجبال"
وتشاور البنات بدموع وسلامات
وتقع اللعبه على القضبان
وتموت دموع الرجال على الشباك
والراجل جوه القطر والبنت على كرسي الانتظار
ومشتاق لضفايرك
وهو فيه راجل مايشتاق للضفايير
ساعه ما الليل يطوينا
وضفايرك ستار ينحل علينا
الايد في الايد
والقلب على القلب
وما بين العين والعين شرايط نور وضلمه
وبنور الشمس تلاقينا على كرسي الانتظار
وتدق الساعه "على كل الرجال حمل الجبال"
وياما دعيتك تاجي معاي يا بنت الخال
جوه القطر بنات شقر وحمر واوهام واحلام
تعالي معاي
يمكن في يوم يكونلى ضفيره
ونطلع مع بعض بره القضبان
4 comments:
خليتني ابكي
ليه تعمل كده
أها
واضح ان العملية ضلمت معاك يا بو خالو
قلت لك ارجع البلد أحسن
أدي أخرة الغربة
مليت لنا الصفحة قطورات
ومحطات
وبنانيت حلوة
يا خوفي لتغطب انتي في الأخر برضة
سلام يا واد الخال
اخيرا قررت تكتب وتنفض عن كلامك مراره الغموض اللى كنت مخلبنى بيها انت عارف انى من زمان بحب اسمعك واحلم معاك بس مش احلام الاطفال طبعا بتاعتك اتمنى تكون عقلت شويه .اسال وبلاش تعمل فيها عبدو المهم . واتمنى تكون عرفت انا مين لو عرفت كلمنى
مستنيه
ابو شنب
فينك ياخال وفين مدوناتك ولا خلاص بقيت حاجة خاصة شكلك لقيت شط تانى بتكتب عليه
كانى نفسي تكون هنا على الاقل هتزر على الموضوع فيصغر في نظري
جيرنمو
انا اسف انى حطيتك ما بين قشرة كلامى وبين بصله"الانتظار" اللى انت بتحبي تشوفيها من بعيد.
اننموس
انصحك علشان متفضليش مستنيه تقري مدونة جيرنمو
للاسف مقدرتش اخمن انت مين
Post a Comment